Seyran ocanıñ köşesi

Seyran oca Üseinov 1938 senesi Qırımda Körbekül köyünde doğdı. 1965 senesi Ferğana Devlet pedagogika institutınıñ filologiya bölügini bitirdi. Ocalıq stajı 47 yıldan ziyade. Şimdiki vaqıtta Qırım müendislik-pedagogika universitetinde qırımtatar tili kafedrasında üyken oca ve mezkür universitet yanındaki Qırımtatar tili ilmiy-tedqiqat merkezinde üyken ilmiy hadim olıp çalışa. Ocalıqtan boş olğan vaqıtlarda luğatlar tertip ete, derslikler tercime ete, balalar içün şiirler yaza, cemaat işlerinde faal iştirak ete.

Maarifçi birleşmesiniñ neşir etken "Maarif İşleri" gazetasında basılğan Seyran ocanıñ derslerini bizim saytımızda oquy bilesiñiz.