25 Apr 2009 | Cemiyet
«Yürekten yürekke» Bütünukrain hayriye fondınıñ teşebbüsinen mayıs 1-10 künleri Qırımda «Er kes eşitsin!» adlı hayriye aktsiyasınıñ ötkerilmesi planlaştırıla. Bu munasebetnen aprel 23 künü Qırımda nam qazanğan artist Lenara Osmanova, «Yürekten yürekke» fondınıñ regional vekili Dilâver Çabanov, KRTSSSDMniñ içtimaiy işleriniñ usuliy temin etilmesi bölüginiñ yetekçi mütehassısı Yelena Tamaşova, Qırımdaki bala oftalmologlarınıñ başı Yelena Birkun matbuat konferentsiyası ötkerdiler.
Dilâver Çabanov bildirgeni kibi, Qırımda aktsiya Aqmescit, Kerç, Kefe, Bağçasaray, Aluşta, Yalta şeerlerinde keçecek. Onıñ maqsadı - volontörlar yardımınen közleri zayıf körgen balalarnı tedaviylemek içün para toplamaq. Para toplanğan soñ, yerli hastahanelerge tibbiy donatmalar satın alınmasına yollanılacaq. Aktsiya Ukraina ve Qırım artistleriniñ iştirakindeki Gala-kontsertnen yekünlenecek. Kontsertten toplanılğan para da balalarnı tedaviylev esabına keçirilecek.
Elmara MUSTAFAYEVA
Fikirler →
Fikirleriñizni yazıñız