Bizim Sudaq mekteplerimizniñ talebeleri yazalar (şiirler, ikâye, şaqalar)

[suurtash]

Peyğamber sevgisi

Eñ soñkisiniñ adıdır –
Muhammed Sallâhu ve Selâm.
Muhammed, dünya sennendir
Musulmanlığın başı.

Аllаhnıñ sevgen quludır,
Adamlarnıñ yolbaşı.
Er kezlerge yol kösterdiñ,
Musulmanlıq bildirdiñ.

Başlıq etip NAMAZ qıldıñ,
Cennet yolun kösterdiñ.
Oqumağa, yazmağa
Bilmeseñ de, ketirdiñ.

Аllаhtan bu dünyağa,
Qurannı bizge berdiñ.
Seni diñlegen adam,
Aziz talebeñ oldı.

Bizge asır-asırdan,
Bu sevgini keçirdiñ.
Quran oqup biz bilemiz,
İslâm dinniñ quvetin.

Terk etken soñ biz bilemiz,
Em cennet, em ceennemi.
Bizim dinimiz İslâmdır!
Kitabımız da, Quran!

Aziz Muhammed peyğamberimiz –
Sallâhu ve Selâm!
Biz tarihtan bilemiz,
Peyğamberler yolunu.
Olar bizge bildirdiler,
Аllаhnıñ tekligini!

Zeynep İbraimova №3 Sudaq mektebiniñ 6-nci sınıf talebesı  ( 2011 s.)

[suurtash]

Eski lesker

Taptı dedem bizim evde,
Qalın ceviz tübünde,
Eski demir, adı – lesker.
Onnen dedem laf eter,

–Selâm eski, demir lesker,
Tatar tüsü, topraq asker,
Bizsiz qaldıñ öksüzlenip,
Tot ölümden silinip.

Bıraqtılar seni, işkir lesker,
Qaldı öksüz bizim yerler.
Seniñ yerine – «lapata»,
Etraf toldı alabota.

Millet sürgün olmazdan evel,
Sensiz olmazdı yarıq künler.
Sarıq sarıp ayaqlarğa,
Babam keter çayır, bağa.

Qızılçıqtan sapı  lesker,
Taş-topraqnı pamuq eter.
Tamırlarnı bağcı üner,
Balta kibi, birden keser.

Böyle sözlerni dedemden,
Men diñledim can-yürekten.
Eski lesker endi evde,
Теmizleip qoydım törge

Zeynep İbraimova №3 Sudaq mektebiniñ 6-nci sınıf talebesi  (2011 s.)

[suurtash]

SEVGİ OLSUN

Menim halqım,

saña aytam:

Birlikte olmaq kerek.

Menim halqım,

rica etem:

Bir-birmizni sevmek

kerek.

                 Sevgi olmasa dunyada,

                 Dinimiz, birlik yoq olır.

                 Acayip halq,

                 Alla bahşışı

                 Izsız - yolsuz ğayıp olur.

Ana tilini  unutmañız,

Halqımız yoq olmasın.

Ana tilini yoq etmeñiz

Tarihımız, kelecek içün.

Sevgi olsa -

birlik olacaq,

Tilimiz yaşasa -

millet olacaq,

Bizlerni yoq etmek

istegenler

Yanıp -küyip harap

olacaq.

*************
Vetansız adam,

               Yırsız bülbül,

                Yrsız bülbül

               Kimge kerek.

Birlikke çalış,

Çette turma.

Qavğacı adam

Kimge kerek.

               Cail olma,

               Oqu tırış.

               Cail adam

               Kimge kerek.

Vetan muhtac

Sevgimizge.

Bizge sevgi,

Birlik kerek.

Niyara Aşirova №3 Sudaq mektebi. 9 -A sınıf  (26.04.2008 s.)

[suurtash]

HAYIRLAV

"Suvdağ sesi"ni
Qırımğa
Duydurğan Rustem ağa.
On beş yıl devamında
Hızmet ete halqına.

   Bugün bizim
   Ustazımız
   Doğğan künün
   qayd ete.

   Bugün aziz şairimiz
   Kene qalqa
   hızmet ete.

Ürmetli Rustem ağa!
Sizge sağlıq
tileymiz.

Can-göñülden
hayırlap,
Sizni bizler sevemiz.

Yaş şairlerge ustaz,
Nasiatlar berip
dayım...
Men de sizni mektepte
Şiirnen hayırlayım.

    Sizni
    ürmet-sayğınen
    men bir vaqıt
    unutmam...

   Sizniñ iziñizden
   ketip,
   İç bir vaqıt
   yañlışmam.

Mavile Murtazayeva №3 Sudaq mektebiniñ 11-inci sınıf talebesi (21.03.2008 s.)

[suurtash]

Amethan

Amethan Sultan,
Bu büyük bir Han!
Töpede uça,
Dünyağa baqa!

Vatannı sevip
Uçtıñ köklerge.
Duşmanlarğa qarşı
Çıqtıñ sen ögge.

Olar seni körip,
Qaçtı artına..
Qurşunlarıñ barıp
Yetti nişanğa.

Sen cesür Sultansıñ,
Qorqmaydıñ duşmandan!
Yükseklerde sen uçaydıñ,
Vetanmıznı qorçalaydıñ!

Zeynep İbraimova №3 Sudaq mektebiniñ 6-nci sınıf talebesı. 7.12.2010 s.

[suurtash]

AMETHAN - KÖKLERİÑ SULTANI

Milletimniñ parlaq yıldızı,
Qırım halqınıñ ğururı,
Ekinci cian cenkiniñ
Eki defa Qaramanı,

Telükeden iç qorqmayıp,
Bu sınavcı uçucı
Halqımız yoq olmasın,dep,
Kökte uçup küreşti.

Fevral aynıñ birinde
Ecel oña yetişti.
Bu deşetli haberni
Bütün dunya eşitti.

Ellerini köterip,
Dualarnı oqudı.
Bu facia halqımıznıñ
Aqlından iç çıqmaz!

Bu cesür insanımız
İç bir vaqıt unutılmaz!
Keliñ, yaşlar, hatırlayıq
Bu acayip insannı!

Oña oşap yaşayıq biz,
Qorçalayıq Vetannı!

Ayşe Üseinova №3 Sudaq mektebiniñ 11-nci sınıf talebesi.

[suurtash]

AMETHAN - QIRIM YİGİTİ

Cesür insan Amethan
Eki defa Qaraman,
Yildızları parılday,
Yigitlerni raatsızlay.

Vetan sevgisi onı
Mavı kökke köterdi.
Dağ qartalı kibi o,
Dağ-çölleri közetti.

Faşistileri kelgende,
Çelik quşu atlandı.
Nefret ile duşmandan
Temizledi Vetannı.

Amethan, sen Sultansıñ!
Amethan, sen Sultansıñ!

Yigitlerçün
cesürlikniñ,
Batırlıqnıñ
timsalisiñ!!!

Elzara Mambetova, Suvuq Sala (Gruşevka) köyü mektebiniñ 10-b sınıf talebesi. 7.12.2010 s.

[suurtash]

ANA TİLİM

Qartana ve dedele:
Ana tilde qonuşmaq
Pek savaptır, dediler.
Kerek tilden qavuşmaq.

   Allah çoq til yarattı
   Dunyalarğa tarqattı.
   Ana tilim, biridir,
   Qırım ondan tiridir.

Ana tilni yahşı bil.
Ana tilnen yaşay İl.
Ögren başqa tillerni.
Tiller ala illerni.

  Ana tiliñ unutma,
  Yaşa, Qırım balası!
  Çoqrağıñnı qurutma,
  Çoqça bilgi alırsıñ.

        Ana tilge atlansa!
        Yoqtır Ondan tatlısı!
        Yırlar Qırım tilimiz!
        Yaşar Güzel İlimiz!

Fevziye Bilâlova, №3 Sudaq mektebiniñ 5-nci sınıf talebesi. 19 mart 2011 s.