Taner Murat

[RiverRat]

http://www.tanermurat.com/

[taner murat]

Tuwa Sokîr tuwgandan
Bekliy-bekliy kîlawuz
Sózíñden burulmadan
Susup turduk, uz.

Kókte, ayt, onday bolsa,
Bíz mátúwmúz, ğumukkóz,
Ádetten tutulmasa
Berílgen bír sóz.

Tañrîm hesap bílmeseñ
Tutayîk, koşîp para,
Kókke sayî beğergen,
Atayîk saga.

[taner murat]

Bolsa eger atîñ Tatar
Batîrsîñ sen, ğúregíñ bar
Bílegíñe şoñgîr konar
Omîzîña da melekler
Atîñ Tatar bolsa eger.

Bolsa eger atîñ Tatar
Kózíñ temír, kolîñ iğbar
Nazarîñdan kurşun kaytar
Ólím saga tiymiy geşer
Atîñ Tatar bolsa eger.

Bolsa eger atîñ Tatar
Baskan taşîñ yerden oynar
Sîkkan taşîñ suwî şîgar
Karşî tursun saga kímler
Atîñ Tatar bolsa eger?

Bolsa eger atîñ Tatar
Altîn sózíñ şuwa atar
Fikirleríñ awur tartar
Seníñ gibílerí ender
Atîñ Tatar bolsa eger.

Bolsa eger atîñ Tatar
Mayday hakkîñ ústke şîgar
Óz tílíñdedír anaktar
Mañlayîñda yazar zafer
Atîñ Tatar bolsa eger.

Bolsa eger atîñ Tatar
Ğaralarîñ şifa tabar
Tañrî saga kîsmet saklar
Kókyúzúnde de Ulka-Yer
Atîñ Tatar bolsa eger.

Bolsa eger atîñ Tatar
Emelíñní gúller basar
Túşúñ şeşek-şeşek aşar
Yuwalanîrlar búlbúller
Atîñ Tatar bolsa eger.
         (Kóstenğe, 16 temmuz 2010)

[batugeray]

Maşalla Taner Aqayga; Asıl Tatar Tilınde cazgan.

[taner murat]

(Ğañî şîkkan kitap! - Ótken bír şaklayga sewdam - manzúme-iy sewda, © 2010 - embed/link)

[taner murat]

Bír şaklay kabîp ğuttum

Bírgún
  ğazîñ-gúní gálíba
    óz azbarîmda
      otîrîp úyúm aldînda
        okîp renklí meğmuwamnî
          ázír ertengí kaweme
            aşayatîrganda yemegímní
              beşínğí sayifaga
                kózlerímní
              soganday patlatkanîmda
            bír parşa
          pener alağak boldîm
        bír parşa
      sak bolmadîm
    şanagîñ kenarîna
  kelíp kongan
bír şaklay kabîp ğuttum.

Ay-way
  bír şaklay
    o da ótken terakay
      ne yaptîm men
        degenşík
          n-íşledím men
            degenşík
              sak bolgaydîm
                degenşík
              endí ka-termen
            degenşík
          tomalanîp şo şaklay
        bír ğutum ewel sarîmay
      man maylangan bogazîmnî
    kullanîp taydîraktay
  tayîp kettí
karînîma.

Kórdíñ mí kaday?
    Yaramaz şaklay
        Wahşiy kagay
            Moynîm baylay
                Ózí ótken kuşka uşay.

N-íşliyím endí?
    Ka-ttí ettí
        íşliyğegín íşledí
            maksatîna ğettí
                kíríp íşíme yerleştí.

Ka-ttí yaptî
    ózín attî
        íşíme battî
            yerín taptî
                raátím sattî.

Endí men
  ne kadar
    beş para bermiyím
      íşíme karay-beriyím
        yakîşmaz mením yaşîmda
          bír erkekke
            desem de
              bolmay.

Ağîmasîz şaklay
    sáde íşíme
        kírgení men
            nokta koymay.

Merhametsíz kagay
    sáde karînîma
        konganî man
            toymay.

Hergún, her sáát
  Tapkanda fîrsat
    Koşaksîz sebat
      Boşîna lugat
        Tabîlmaz neğat
          Túmşugî alat
            O kaza bír hat
              O aşa nurbat.

Burgulap ğúregímní
    bír teşík aşa
    bír teşík aşa.
        Yaslanîp góñílíme
            raát yuwalana
            raát yuwalana.

Yemegíme sak bolmay
Kabîp ğuttum bír şaklay.
Góñílíme kol salîp
Şokîy-şokîy parşalay
Ğúregím men egleníp
Ístegeníndiy oynay
Kózín ğumup yuklasa
Kanat astînda saklay
Ğawun ğawsa íşíne
Yerleşe de yuwalay.


(Ğañî şîkkan kitap! - Ótken bír şaklayga sewdam - manzúme-iy sewda, © 2010 - embed/link)

[taner murat]

Ne   

Ne tuwup nurlarga aşar edím kóz
Ne şúrúp toprakta bolîr edím toz.
Ne ósíp baladan şîgar edím er
Ne ğemaát íşínde tabar edím ğer.
Ne ilham, ne nefes, ne solîş, ne es
Ne awuz fikirge, ne eda, ne ses.

Ne dogan uşurtup ğîgar edím kuş
Ne kírpík ğumganda yaşar edím túş.
Ne ğuyruk kamîşlap boylar edím kîr
Ne kagîp penğíre ğîrlar edím ğîr.
Ne tuygî, ne sewda, ne bízler, ne óz
Ne şiir-manzúme, ne lugat, ne sóz.

Ne keríp ğayîmnî sogar edím aw
Ne keskín baltam man kerter edím taw.
Ne zúlfiy şáşímde oynar edí ğel
Ne maga arkadaş baylar edí bel.
Ne kuwat, ne kudret, ne ateş, ne kúl
Ne dostlîk, letafet, ne şeşek, ne gúl.

Ne şumnî atlatîp kórer edím tañ
Ne bardan kaberlí kurar edím añ.
Ne ğónden sapmadan ğúrer edím túz
Ne ílím, felsefe, añlar edím uz.
Ne bílím, ne irfan, ne zaman, ne an
Ne edep, din-iman, ne namus, ne dan.

Ne ólí ataga ğayar edím kol
Ne tírí balaga aşar edím ğol.
Ne karap pazardan alîr edím ğan
Ne etím-tamîrîm suwlar edí kan.
Ne zihin, ne zekáa, ne akîl, ne oy
Ne kîsîm-akraba, ne tuwgan, ne soy.

Ne bír boş şanakka mení karattîñ
Ne akîl bermeden masal añlattîñ.
Ne korktîñ túşmege ateşke-suwga
Ne hergún ğem yettí balalî kazga.
Ne raátlík, ne yukî, ne kúlúw, ne haz
Ne sefañ boldî kóp, ne kaygîñ da az.

Kábege arkamda taşîsam gene
Men saga ódemem borjîmnî, nene!
(10 aralîk 2010)

[RiverRat]

Maşalla, Taner aqam! Bek begendim şonı.
Başqalarğa oqumağa oñaytlı bolsun dep bizde Qırımda qullanılğan urufatqa çevirdim.

Ne   

Ne tuvıp nurlarğa açar edim köz
Ne çürüp topraqta bolur edim toz.
Ne ösip baladan çığar edim er
Ne cemaat içinde tabar edim cer.
Ne ilham, ne nefes, ne soluş, ne es
Ne avuz fikirge, ne eda, ne ses.

Ne toğan uçurtıp cığar edim quş
Ne kirpik cumğanda yasar edim tüş.
Ne cüyrük qamçılap boylar edim qır
Ne qağıp pencere cırlar edim cır.
Ne duyğu, ne sevda, ne bizler, ne öz
Ne şiir-manzüme, ne luğat, ne söz.

Ne kerip cayımnı soğar edim av
Ne keskin baltamman kerter edim tav.
Ne zülfiy çaçımda oynar edi cel
Ne mağa arqadaş baylar edi bel.
Ne quvet, ne qudret, ne ateş, ne kül
Ne dostluq, letafet, ne çeçek, ne gül.

Ne şumnı atlatıp körer edim tañ
Ne bardan qaberli qurar edim añ.
Ne cönden sapmadan cürer edim tüz
Ne ilim, felsefe, añlar edim uz.
Ne bilim, ne irfan, ne zaman, ne an
Ne edep, din-iman, ne namus, ne dan.

Ne ölü atağa cayar edim qol
Ne tiri balağa açar edim col.
Ne qarap bazardan alır edim can
Ne etim-tamırım suvlar edi qan.
Ne zein, ne zekâ, ne aqıl, ne oy
Ne qısım-aqraba, ne tuvğan, ne soy.

Ne bir boş çanaqqa meni qarattıñ
Ne aqıl bermeden masal añlattıñ.
Ne qorqtıñ tüşmege ateşke-suvğa
Ne er kün cem yetti balalı qazğa.
Ne raatlıq, ne yuqu, ne külüv, ne haz
Ne sefañ boldı köp, ne qayğıñ da az.

Kâbege arqamda taşısam kene
Men sağa ödemem borcumnı, nene!

Taner Murat,
2010 s. dekabr 10

[batugeray]

Maşalla, Taner aqam! Bek begendim şonı.
Başqalarğa oqumağa oñaytlı bolsun dep bizde Qırımda qullanılğan urufatqa çevirdim.

İmlanı qucur etıp Aylandırasıñız da, Taner Aqaynıñ razılıgınnı almaga kerek coqmı eken? Aldın bır razılıq algan bolgaydıñız tuvrı bır iş yasagan bolıredıñız.

[taner murat]

Múren betke

Kuş uşurtup ğúregímden
Múren betke awup turgan
Toñka-kîyîş ğagasîndan
Geşer edím índemeden.

Saklî-saklî maga kóre
Bazî túşúp, bazî atta
Bazî suwnuñ kîyuwunda
Bekler edím tereklíkte.

Íşím tartîp yúz biñ kere
Ya bír nazar, ya bír kelam
Umut etíp kún de akşam
Batar edím kadelerge.

Herkez tuydî, ka-típ bílmem
Sízden geşkenímde akşam
Túşúnğelí suratîmdan
Şîbîrdaşîr edí álem.

Aytsa bírew, tuwul yalan,
Sení ğoklay ğúremen men
Múren betke, múren betten
Kumlî-taşlî ğagasîndan.

Bírgún tînîk uzaklarga
Ketkenímden alsañ kaber
Mením kadarîmdan beter
Alîşmay kal yoklîgîma!
(Kókten sesler, I- ínğí bólím, Temúçinden - kîta)

[taner murat]

Bayrak kúní

Yígírím-altîsî búgún, haziran,
Minare-minare sús taktî, bayrak.
Semalar ap-aydîn, mawusî berrak,
Kîrîm'dan dúnyaga okîla ezan.

Ğaş kîzlar kózínde ğîltîray felek,
Kîrîm'îñ-Kîrîm'îñ hawasî sîğak.
Bír bala sallanîp ğelpíldiy bayrak,
Sîradan kún tuwul, búgún múbarek.

Kórmedím bonday tañ, bonday bír şafak,
Tatarlar-Tatarlar dórt ğónden aga.
Búgúnní yaşattîñ, temenna saga,
Kartlarîñ-ğaşlarîñ kolînda, bayrak!

Biñ yaşa bayragîm, ela zenger hakk,
Som altîn-som altîn tamgalî mañlay!
Káyinat rengínden ayîrgan Kuday,
Tom, dokîz bírleşken milletke bayrak.
(Kóstenğe, 26 haziran 2011)