Ebet, çar Rusiye devrinde Qırım asılzadeleri öz soyadlarına "-skiy" Rus yalğamasını qoşqan edi: Şirinskiy, Mansurskiy, Yaşlavskiy, Arginskiy, Karaşayskiy, Kipçakskiy.
Alessandro,Eskı Sovyet devrinde, bo Rus yalgamaları mecburmu edı aceba? Bokün de mecburmu?
Men bo künde karayman, Qırımda bek köp Tatar nıñ Soy atında, bulay Rus yalgamaları bar.
Misal: Ahmet Memedov, İslam Kerimov, İsmail Gasprinski,
Çar devrinde, yani 1917 s. kommunist inqilâbından evel iç zorlama yoq edi. Qırım zadekânları Rus asılzadelerine oşamağa tırışıp öz soyadlarını özleri Ruslaştırğan. Şu "-skiy" soylularnıñ yalğaması dep sayıla edi. Onıñ içün Gaspra köyünde doğğan İsmail Gasprinskiyniñ babası Mustafa mırza da ükümet oña dvorânlıq (yani zadekân unvanı) bergen soñ soyadını Gasprinskiy qoyğan. Amma Ruslaşmağan soyadları da bar edi o zamanda. Meselâ, Özenbaşlı, Kermençikli (Özenbaşskiy ya da Kermençikskiy degil).
Sovetler kelgen soñ umumiy "soyadılaştıruv" başlandı, Türkiyede kibi. Ondan evel soyadı olmağan kişilerge adetince o kişiniñ öz adı + -ov, -yev Rus yalğaması soyadı olaraq berilgen edi. Meselâ, Osman Osmanov, Memet Memetov, Veli Veliyev, Mustafa Mustafayev. Bu mecburmı edi, bilmeyim. Belkim de devlet memurları kişiniñ öz razılığı sorağandırlar... Çünki o zamanda alınğan soyadları arasında Dağcı, Kürkçi, Qartaqay, Egiz kibi de rastkele.
Bugünki Ukrainada ise er kes öz adı ve soyadını istegine köre serbestçe deñiştirip ola. Bu pek qıyın bir iş degil. Lâkin halq endi alıştı, onıñ içün çoqusı deñiştirmey.
Dilber MC Theme by HarzeM