Piraye Qadri-zade

[RiverRat]

ASRET

Yeni tufan öldürmedi
Harp ömrümni söndürmedi,
Olsam da bugün ayatta,
Qalbim tütey aqiqatta.

Dostlarım zilimni çalmay
Postacı da mektüp salmay
Belki birsi hatırlaydır,
Kökte yıldızdan soraydır.

Fikirleri de menkidir
Belki bir yerde bekleydir?
Ya treni toqtalıp qalğandır
Ya da totlanıp qalğandır?

Garağa barıp toqtalam,
Ondan-bundan soraştıram,
Belki birsi kelgendir dep
Göñlümni özüm alam.

Yanımdan keçe ekspressler,
Sorayım onlardan neler,
Qayda dostlar, Asiyadamı?
Yoqsa endi Yaltadamı?

Ya hayalğa daldılarmı?
Yüregim yana talaşa
Halq qarmalaşa,
Etrafımda boş suratlar
Bir-birine qarışalar.

Közlerimni qırpam-qırpam
Tena bir yer araştıram,
Qol dorbamnı qarıştıram
Qalğıp-qalğıp oturam.

Meni ekspress alıp ketmey
Dostlarımdan selâm kelmey
Oyaq-buyaq ep talpmam
Yan bir yerde toqtalam.

Halq bir-birin itep qaqa
Meni ise yerge yıqa
Yatam yerde, küneş yaqa
Közlerimden yaşlar aqa
Er kes şaşıp mağa baqa.

Dostum, yaz sen mağa mektüp
Kelmeseñ de selâm etip
Keçikse de haber yolla,
Biraz göñlümni sırla!

[RiverRat]

QIRIMĞA

Ey sevimli Vatanım,
Sen qaydalarda qaldıñ?
Köz aldında yata ep
Şu sevgili hayalıñ.

Vaqıt keldi ölmege,
Ketecekmen biçare,
Vatanımnı körmege
Tapılmay iç bir çare.

Dua kibi adını
Fısıldayman içimde.
Elâl et de, Vatanım,
Añ meni de kimerde.

Köz aldında belire
Tumanlı yalılarıñ
Gece tüşüme kele
O gezdigim yollarıñ.

Taşıña, toprağıña
Asret qaldım, Vatanım,
Qurban olsun oğruña
Şu taliysiz ayatım.

Açeba, iç men kibi
Seni kimse sevdimi?
Qıymetiñni, qadriñni
Men qadar iç bildimi?

Sen quvansañ – quvandım,
Cılağanda, cıladım,
Qaderimni, ömrümni,
Yalñız sağa bağladım.

Çekken bütün azabım
Közlerimde yaş boldı,
Ğam-keder, istibarım
Bavurımda taş boldı.

Muqaddes toprağımnı
Taptadılar, ezdiler,
Türlü-türlü kelmeşekler
Toprağımda gezdiler.

Baba-dede mezarları
Yermen yeksan etilgen,
Baş taşları çıqarılğan,
Saban sürip ekilgen.

Ey, sevgili Qırımım,
Vaqıt keldi, yorğunım,
Sağa açam sırımnı,
Soñ sözümni, yırımnı,

Ömrümniñ saatı
Soñki defa urğanda
Baş ucumda Azrail
Qanat kerip turğanda,

Soñ nefeste sırımnı
Tekrarlarman içimde
Elvida! Aziz Qırım,
Añ sen, bazı, meni de.

[RiverRat]

QARDAŞIMA

Kelmesem de – bekle meni
Bir kün bir gemi
Yanaşır o limanğa
Ketirir elemimni

Belki bir zerre bolırman
Çatırtavğa qonarman
Vatanımnı seyir eter
Qavuşır quvanırman

Belki de bir quş bolırman
Uçip kelip qonarman
Tuqımımnı yerge eker
Öser, açar, oñarman

Bir çiçekni qolğa alsañ
Hatırla sen meni de
Vatanına basalmağan
Pirayedir – eliñde!...

[RiverRat]

QIRIMĞA
 
Menim şırın Qırımım
Senin içün qırğınman,
Neyleyim, yorğunman,
Menim bahtsız Vatanım.
 
Sağa doğru uzaqtan
Qollarımnı men uzataman,
Yanaşalmayman sağa,
Nafile göñül sızlataman.
 
İrişilmez bir hayal,
Oldıñ men içün mında,
Deñişmeycek iç bu al,
Ep sandıraqlasam da.
 
Seniñ içün tilegim,
Keçmişinni hatırla,
Şan-sereftir istegim,
Tarihıñnı tekrarla.
 
İstiqbalge imanıñnı
Keçken vaqıtlardan al
Hansaraynıñ divanını,
Özüñe nümüne sal!
 
Quvet bersin Yaratqan
Tuvacaq batırlarğa,
Nümüne - asırlardan
Kelecek qıtalarğa!...

[RiverRat]

В Бухаресте скончалась Пирае Къадир-заде, дочь известного крымскотатарского поэта Абдурамана Къадри-заде

5 сентября (2010 года - RiverRat) в Бухаресте скончалась Пирае Къадри-заде, дочь крымскотатарского поэта, писателя, учёного и переводчика, Абдурамана Къадри-заде (1876-1938), широко известного огромной работой, которую он выполнил по сбору и сохранению национального фольклора и культурного наследия...

Пирае Къадри-заде родилась в 1920 году в деревне Тавдаир Симферопольского р-на. Во время Второй мировой войны вместе с семьёй она оказалась в Румынии. Основное место в творчестве Пирае Къадир-заде, занимают стихотворения написанные на родном языке, переводы классиков русской литературы Пушкина, Лермонтова, а также Генриха Гейне, Гёте и Шиллера. В 1994 году, она подготовила к изданию и опубликовала в Бухаресте сборник стихотворений Амди Гирайбая «Яш татарларгъа». Похороны рахметли Пирае Къадри-заде пройдут 6 сентября 2010 года в Бухаресте.

 Отдел внешних связей Меджлиса крымскотатарского народа.

http://kr-alemi.com/index.php?name=News&op=article&sid=2157

Alla rahmet eylesin! Catqan yeri cennet bolsun. Ruhuna El-Fatiha!