Balalarnıñ köşesi

[RiverRat]

Nuzet Ümerov

QIŞ AQŞAMI

Siya saçlı cegeler
Etip kele maalemizge ertece…
Köz taşlap,
Sıtar gece qaşını –
Kim söndürdi pencere yarıqnı?
Toqtap turıñ –
Kökke fener asayım,
Balalarğa tatlı masal aytayım.
Tırmaşıp mindi gece
Terekke,
Bir avuç yıldız septi derege.
Yıldız arasında
Fener-ay,
Balalar endi çoqtan berli yuqlay…
Beşikler
Ağır-ağır sallana,
Kim qulaq asar onıñ masalına?
Dolana gece
Qapı-qapıdan,
Qap-qara oldı gece açuvdan.
Ay yıldızlarnı cıydı boğçağa,
Tañ beklep daldı gece yuquğa…

[suurtash]

Aksana Amet-Mustafa "Ayneni"
http://www.youtube.com/watch?v=s5QAVNXSsBg

[suurtash]

Эрвин Бекировден:


Нузет Умеров

БАКЪА

Къолгъа къавал алды бакъа,

«Бакъ-бакъ, бакъ-бакъ» чалды бакъа.

Айгъа бакъа ешиль бакъа,

Ёлгъа бакъа ешиль бакъа.

Булутларгъа бакъа бакъа.

Козьяшларын тёке бакъа:

«Къуругъан гольде омюр – такъыр.

Къайда къалдынъ, башсыз ягъмур?».

Къолгъа къавал алды бакъа,

«Бакъ-бакъ, бакъ-бакъ» агълай бакъа.

Эрвин Бекировнен:


ЭЧКИЧИГИМ

Эчкичигим бар эди,

Балалайым, дер эди.

Балаласам беш олур,

Чобанларгъа эш олур.

ТЕЗ ЧЫКЪ

Саям, саям – саямайым,

Тавшан къаша – тутамайым.

Чапты чыкъты сычанчыкъ,

Арамыздан тез-тез чыкъ.

ДАВУЛ ТАКЪТЫМ

Давул такътым бойнума,

Кеттим деве ёлуна.

Деве ёлу бит базар,

Бит базарда аюм бар.

Аюв мени къоркъутты.

Къулакъларым саркъытты.

Антар, мантар,

Чек аягъынъ къантар.

ДЕВЕЛЕР

Оп-оп девелер

Къарасувдан келелер.

Ягълы-ягълы пителер

Ашай-ашай келелерю

Аякълары ялпакъ,

Башларында къалпакъ.

Инанмасанъ

Чыкъ да бакъ.


Мамай берсе
 Элиф, бе, те, се,
Джим, дал, Косе.
 Анам, мамайчыкъ берсе
 Къарнынъ ачса,
Къыргъа къач.
Къырдан санъа
Къыркъ къалач.
 Отуз докъузын аша,
Бирин манъа ал да къач!

 Эллерим
Бир элимде беш пармакъ,
Инанмасанъ, сай да бакъ:
Бир, эки, учь, дёрт, беш.
Беш де экинджи элим,
Он этмезми, шекерим?

Не яптынъ?

 Элим, элим, не Яптынъ?
 Бу пармакънен ер къаздым.
 Бу пармакънен асрадым.
 Бу пармакънен от якътым.
 Бу пармакънен пиширдим.
Бу пармакънен ашадым.
 Энди балабан олдым.


 Ачып къапат
Ачып-къапат,

ачып къапат.
Эльчырпайыкъ, ой,ой, ой!
Ачып-къапат, ачып-къапат.
 Тизлеринъе къой, къой, къой!

[suurtash]

Ervin Bekirovden:


Nuzet Ümerov

BAQA

Qolğa qaval aldı baqa,

"Baq-baq, baq-baq" çaldı baqa.

Ayğa baqa yeşil baqa,

Yolğa baqa yeşil baqa.

Bulutlarğa baqa baqa.

Közyaşların töke baqa:

"Quruğan gölde ömür – taqır.

Qayda qaldıñ, başsız yağmur?".

Qolğa qaval aldı baqa,

"Baq-baq, baq-baq" ağlay baqa.

Ervin Bekirovden:


EÇKİÇİGİM

Eçkiçigim bar edi,

Balalayım, der edi.

Balalasam beş olur,

Çobanlarğa eş olur.

TEZ ÇIQ

Sayam, sayam – sayamayım,

Tavşan qaşa – tutamayım.

Çaptı çıqtı sıçançıq,

Aramızdan tez-tez çıq.

DAVUL TAQTIM

Davul taqtım boynuma,

Kettim deve yoluna.

Deve yolu bit bazar,

Bit bazarda ayum bar.

Ayuv meni qorquttı.

Qulaqlarım sarqıttı.

Antar, mantar,

Çek ayağıñ qantar.

DEVELER

Op-op develer

Qarasuvdan keleler.

Yağlı-yağlı piteler

Aşay-aşay kelelerü

Ayaqları yalpaq,

Başlarında qalpaq.

İnanmasañ

Çıq da baq.


Mamay berse
 Elif, be, te, se,
Cim, dal, Köse.
 Anam, mamayçıq berse
 Qarnıñ açsa,
Qırğa qaç.
Qırdan saña
Qırq qalaç.
 Otuz doquzın aşa,
Birin maña al da qaç!

 Ellerim
Bir elimde beş parmaq,
İnanmasañ, say da baq:
Bir, eki, üç, dört, beş.
Beş de ekinci elim,
On etmezmi, şekerim?

Ne yaptıñ?

 Elim, elim, ne Yaptıñ?
 Bu parmaqnen yer qazdım.
 Bu parmaqnen asradım.
 Bu parmaqnen ot yaqtım.
 Bu parmaqnen pişirdim.
Bu parmaqnen aşadım.
 Endi balaban oldım.


 Açıp qapat

Açıp-qapat,açıp qapat.
El çırpayıq, oy,oy, oy!
Açıp-qapat, açıp-qapat.
 Tizleriñe qoy, qoy, qoy!

[suurtash]

Лиля Аединова язды:


-Сен асрамадынъ,
Сен оджакъ якъмадынъ,
Сен пиширмединъ,
Санъа екъ!



Эмин алды кемане,
Анасы йырлай мане,
Эльмаз оюнгъа тюшти,
Эр кес бакъып кулюшти.

Мерьем нагъыш нагъышлай,
Эм нагъышлай, эм йырлай,
Гузель-гузель явлукълар
Анасына багъышлай.
Ине алды Айшечик,
Тикмек ичюн антерчик.
Айше озю пек чебер,
Тиккен антери дюльбер

Ишкир торгъай чечек сачкъан,
Чечеклери бирден ачкъан,
Чапты кельди чеьден тавшан,
Чечеклерни ашап къачкъан

Халкъ агъыз яратыджылыгъындан
Чапий , чапий эльчиги
Татлы олсун тильчиги,
Аяклары татийлер,
Бою балабан осер.

Будыр бизим Айшечик,
Къашчыкълары къарачыкъ,
Тос-томалакъ бети бар,
Пек багъравукъ сеси бар.



Чыкъ-чыкъ кунешим,
Къыз, къыз, сен ишим.
Орталыклар ешерсин,
Эр кес къызгъын ишлесин!

Ягъ, ягъ ягъмурым,
Текне т олсун хамырым.
Араба, араба  чамурым,
Тез ягъсын ягъмурым!

[suurtash]

Lilâ Ayedinova yazdı:


-Sen asramadıñ,
Sen ocaq yaqmadıñ,
Sen pişirmediñ,
Saña yeq!



Emin aldı kemane,
Anası yırlay mane,
Elmaz oyunğa tüşti,
Er kes baqıp külüşti.

Meryem nağış nağışlay,
Em nağışlay, em yırlay,
Güzel-güzel yavluqlar
Anasına bağışlay.
İne aldı Ayşeçik,
Tikmek içün anterçik.
Ayşe özü pek çeber,
Tikken anteri dülber

İşkir torğay çeçek saçqan,
Çeçekleri birden açqan,
Çaptı keldi çeden tavşan,
Çeçeklerni aşap qaçqan

Halq ağız yaratıcılığından
Çapiy , çapiy elçigi
Tatlı olsun tilçigi,
Ayakları tatiyler,
Boyu balaban öser.

Budır bizim Ayşeçik,
Qaşçıqları qaraçıq,
Tos-tomalaq beti bar,
Pek bağravuq sesi bar.



Çıq-çıq küneşim,
Qız, qız, sen işim.
Ortalıklar yeşersin,
Er kes qızğın işlesin!

Yağ, yağ yağmurım,
Tekne t olsun hamırım.
Araba, araba  çamurım,
Tez yağsın yağmurım

[suurtash]

Qirimtatar elifbesi
http://www.youtube.com/watch?v=5sePIziPhBM

[suurtash]

Balçoqraq
http://atr.ua/pages/programs.aspx?id=rodnikmeda

Küneş nurları
http://atr.ua/pages/programs.aspx?id=nurlary

Aqşam masalı
http://atr.ua/pages/programs.aspx?id=akshammasalaru