Sevgili şiirler

[RiverRat]

QORQMAÑIZ, TATARLAR!

Seniñ bu inkârıñ qorqudan kele...
''Men Tatar tügülmen!'' - Avropa küle.
Azğana yüregiñ bolsa tek seniñ,
Añlasañ cigitlik ne demek ekenin, -
''Tatarman!'' - der ediñ kökregiñ tüyip,
''Tatarman!'' - der ediñ öz tiliñ süyip...

                            Bekir Çobanzade.
                            ''Tatar tügülmen'' - degenlerge

Ey siz, öz adından qorqqan tatarlar,
Mashara olmañız, kene satarlar!
Aytıñız, tatardan qorqmağan kim bar?
Olurmı, qardaşlar, qorqudan inkâr?!
Oğuzman, qıpçaqman degenden köre
''Tatarman!'' - deseñ olmazmı, törem?
Bu addan duşmannıñ yuqusı qaça,
''Tatarva'' dünyağa şan-şüret saça.
Bu adnen buv kibi ğayıp olmazsıñ,
Bu adsız Vatanga saip olmazsıñ.
Yoq, bu ad bizlerge lağap degildir,
''Lağap'' degenlerniñ başın egildir.
Mesele lağapta ve adda degil,
Mesele - cigitlik, cesürlikte, bil!

Baş saqlap qaçsañ ''dubinkalardan'',
Yavnı fırlatmasañ uçurım-cardan,
Duşman vaqıf olsa er bir sırıñdan, -
Söyle, ne fayda bar böyle ''Qırımdan''?
Elge taş alıp da atmasañ eger, -
Üstüñe kene de yün-teri cabın,
Qobaña bar da, taşlarğa abın!...

Cınğızdan çoq evel biz mında edik,
Aslında biz mında doğğanmız dedik;
Barsın, ''uçonıyıñ'' biñ mana tapsın,
''Tatar''dan vazgeçmem, ne yapsa-yapsın!
Bütün milletleriñ menden töregen,
Asiyañ, Avropañ köz qıpıp yürgen,
Tamırın-hamırın rus menden alğan,
Qara mazinleriñ Qaramzin olğan.
Baq sen, qubanlıman, - degen qazaqqa, -
Epsiniñ qanında tatar taparsıñ,
Soñ nasıl eter de adıñ satarsıñ?

Ey, Sen Vatandaşım, terence oylan,
Şu şanlı adıñnen küreşke şaylan!

Şakir Selim
Aqşeyh
2000 s., noyabr

[Sevem]

АЙТЫЛМАГЪАН СЁЗЛЕР Айтылгъан чокъ сёзлерден Айтылмагъан сёзлер чокъ. Олар бир кунь бизлерге Санчылырлар олып окъ. Кяде «селям» ерине Башымызны саллаймыз. Бир сёз чокъдай корюне -    Кендимизни алдаймыз. Севип алгъан къадынынъ Кулип турса гуль, нардай, «Джаным, козюм» демеге Нечюн кяде тиль бармай? Акъ сют киби омюрге Ич биримиз тоймаймыз. «Анам, сени севем» деген Учь сёз айтып олмаймыз. Матем куню къальбимизни Сара кедер ве яныкъ: Сагъ олгъанда рахметлиге Керек сёзни айтмадыкъ. Паралы бир ахлякъсызнынъ Сафсатасын динълеймиз. Айтылмагъан сёзлер къала Тилимизде. Инълеймиз. Мергин сёздир – биз ольген сонъ Ёкъ олмайджакъ малымыз. Ашыкъынъыз, керек сёзню Достлар, айтып къалынъыз. Айтылгъан чокъ сёзлерден Айтылмагъан сёзлер чокъ. Олар бир кунь бизлерге Санчылырлар олып окъ.         (Шакир Селим)

AYTILMAĞAN SÖZLER Aytılğan çoq sözlerden Aytılmağan sözler çoq. Olar bir kün bizlerge Sançılırlar olıp oq. Kâde "selâm" yerine Başımıznı sallaymız. Bir söz çoqday körüne -    Kendimizni aldaymız. Sevip alğan qadınıñ Külip tursa gül, narday, "Canım, közüm" demege Neçün kâde til barmay? Aq süt kibi ömürge İç birimiz toymaymız. "Anam, seni sevem" degen Üç söz aytıp olmaymız. Matem künü qalbimizni Sara keder ve yanıq: Sağ olğanda rahmetlige Kerek sözni aytmadıq. Paralı bir ahlâqsıznıñ Safsatasın diñleymiz. Aytılmağan sözler qala Tilimizde. İñleymiz. Mergin sözdir – biz ölgen soñ Yoq olmaycaq malımız. Aşıqıñız, kerek söznü Dostlar, aytıp qalıñız. Aytılğan çoq sözlerden Aytılmağan sözler çoq. Olar bir kün bizlerge Sançılırlar olıp oq.         (Şakir Selim)

[RiverRat]

Bulut qap-qara, sen nege davranaysıñ?
Nege açılğan köklerde dolaşaysıñ?
Nege qarartaysıñ yarıh künlerni?
Nege yığlataysıñ çastlı avanı?..

A.S. Puşkinniñ ‘Bulut’ degen menzumesinden bir parçacıq
Qırımçaq tiline çevirgen – V. Baginskaya-Gürci

[Alessandro]

Qaray (Karaim) ≠ Qırımçaq

[RiverRat]

Qaray (Karaim) ≠ Qırımçaq

E-e, şaşmaladım...  Tüzettim artıq.