Yedi Quyu rayonı - Семиколодезный (Ленинский) район

[Alessandro]

Проект восстановления исторической топонимии Крыма, Семиколодезный (Ленинский) район и город Керчь - http://medeniye.org/node/733

[kezlevli]

Селям алейкум, Алессандро! Топономика меселесине къошулмакъ истейим. Меним анамнынъ бабасы ве анасы Ленин (Еди къую) тарафларындан. Къартбабам Джавтобели коюнде догъды (бу кой джедвелинъизде бар), къартанам исе Кирлеут коюнде догъды. Къартанамнынъ анасы Дюрмен коюнден эди. Къартанамнынъ айткъанына коре, Кирлеутке якъын Къарач адлы бир кой бар эди. Вакътынен къартанамнынъ  къорантасы шу койге кочьти. Бундан гъайры къартанам Ташалчын адлы коюны да айтып кечкен эди (шу койден къартанама къудалар кельген эди, амма о оларны къайтарды). Иште, айтып кечкен койлернинъ адларыны сизинъ джедвелинъизде тапмадым. Олар акъкъында бир тюрлю малюматынъыз бармы? Мен исе якъын заманда къартанама барып шу мевзуда оны сораштыраджагъым. Къартанам шимди 95 яшында, Сакъ районы Колоски коюнде яшай.

[Alessandro]

Алейкум селям.

Меним япкъан джедвелимде тек шимди бар олгъан койлер бар. Меселе шунда ки, Керич ярымадасында бир чокъ кой, бу джумледен сиз айткъан Керлеут, Дюрмен, Къарач, Таш Алчын койлери дженктен сонъ ер юзюнден гъайып олды. Бугунь Еди Къую районында 67 кой бар, 70 йыл эвельси исе 130-дан зияде бар эди. Керич ярымадасы сахрагъа чеверилеята. 

Олар акъкъында бир тюрлю малюматынъыз бармы?

Насыл малюмат сизни меракъландыра? Дженктен сонъ адларыны не къойгъанлар айтып олам, Керич ярымадасынынъ 1944 сесесиндеки алыны тасвир этильген схематик бир хаританы косьтерип олам. Керекми?

Колоски коюнде...

Колоски дегиль де, ханымэфендим...  Бу койнинъ ады Ораз.

Къартанам шимди 95 яшында...

Алла сагълыгъыны берсин!

[Türker]

Qartbabam özü qartbabasının Ağıbel köyünden çıqqanını ayta edi. Menim körgen qartalarımda Ağıbelnin şimdiki adı Lugovoye (Луговое) dep keçe. Lâkin bu cedvelde Ayıp Eli dep yaza. Bu farqnın sebebi nedir aceba?

[Alessandro]

Hm...

- Halq laqırdısında Eli yerine sıqça El dep aytılğan edi... Tek şu köyde degil de, bütün Qırım boyunca: Edişel (Ediş Eli), Eskel (Eski Eli), Biyel (Biy Eli), Öteşel (Öteş Eli)...

- Ağıp vs Ayıp... Mına, tarihiy menbalarda ne köremiz: 1783 Айбели = Aybeli, 1784 Аиб Эли = Aib Eli, 1805 Агибель = Agibel, 1817 Айбели = Aybeli, 1841 Агибель = Agibel, 1854 آيب الى = Ayıb Eli, 1865 Агибель = Agibel, 1865 Агиб-Эли = Agib Eli, 1927 Агибель = Agibel.
Belli alim Henrık Yankovski (Henryk Jankowski) öz "A Historical-Etymological Dictionary of Pre-Russian Habitation Names of the Crimea" kitabında doğru adı Ayıp Eli dep iddia ete. Öz leyhamda oña köre yazdım.

[kezlevli]

Меним япкъан джедвелимде тек шимди бар олгъан койлер бар.
Иште, мен де шойле анъладым.

Насыл малюмат сизни меракъландыра? Дженктен сонъ адларыны не къойгъанлар айтып олам, Керич ярымадасынынъ 1944 сесесиндеки алыны тасвир этильген схематик бир хаританы косьтерип олам. Керекми?

Хаританы корьмек меракълы олур эди, чюнки къартанам  о койлер акъкъында айткъанда, месафелер акъкъында да айта эди.

Колоски дегиль де, ханымэфендим...   Бу койнинъ ады Ораз.

Тюзеткенинъиз ичюн сагъ олунъыз. Бирден койнынъ ады акълыма кельмеди.

Алла сагълыгъыны берсин!
Сагъ олунъыз!

[Alessandro]

Мына... Керич ярымадасынынъ 1944 сесесиндеки алыны косьтерген 1990-нджы сенелерде япылгъан схематик бир харита.

[kezlevli]

Чоъ сагъ олунъыз, Алессандро!

[AlperenKIRIM]

Acımendi degen köy qayda tabıla?

[Alessandro]

Şu köy sürgünlikten soñ ğayıp olğan. Yuqarıdaki haritada onı körip olasız. Yarımadanıñ taaam ortasında Аджи-Менди yazılğan, yazınıñ etrafında oval sızılğan. Taptıñızmı?

[AlperenKIRIM]

aham ebet kördüm. sağolınız

[AlperenKIRIM]

Acımendi koyü Ruslar kelmeden , Aqquyı degen yerde eken. 1944 sürgüninden eveli de 30-35 hane yaşap otura eken.