Şivelerniñ hususiyetleri

[RiverRat]

Селям алейкум, джемаат!
Азаларны арасында тилимизни ве айрыджа онынъ чёль шивесини инджеликлерини яхшы бильген сойлары олса, ашагъыдаки мен озь бильгениме коре уйдургъан анълатмагъа дикъкъат этмеге риджа этем:

Особенности керченского поддиалекта:
1)   переход «ч» в «щ»: чай – щай, чет – щет, чалышмакъ – щалышмакъ и т.п.
2)   ярко выраженное «джоканье» (джылдыз, джуз, джапракъ, джаш  даже изредка джокъ),
3)   «правильное» произношение «ав», «ув» – звук «в» слышится,
4)    лексика: теракъай (ср. кез. текаран, текран), джав (ср. кез. душман, дшман), къайдий (ср. кез. недай, нендай), къатий (ср. кез. къайте, нышлий) и т.п.

Особенности кезлевского «сельского» говора:
1)   в отдельных случаях переход «ч» в «щ»: къадачыгъым – къадащыгъым, кечке – кещке и т.п.
2)   мягкое «е», иногда переходящее в «и» (напр. текран – тикран),
3)   по сравнению с керченским менее выраженное «джоканье» (йылдыз, йыз, япракъ, яш, ёкъ, но джель, дженгиль, джекырмек и т.п.),
4)   «неправильное» произношение «ав», «ув» – звук «в» слышится как «у» («w») или вообще не слышится (ав – ау, тав – тау, сав – сау, арув – ару, сув – су, джув – джу, къув – къу и т.п.),
5)   лексика: неме, шекий, шкий, бочыкъ, олла, аллем и т.п.
6)   редкое употребление заимствованых, «умных» слов (джевап, суаль, субет, суррет и т.п.)   

Особенности кезлевского «городского» говора:
1)   отсутствует переход «ч» в «щ»;
2)   отсутствует «сельское» смягчение «е»;
3)   еще менее выраженное «джоканье» (часто слово употребляется как в «джокающей», так и в «йокающей» форме);
4)   употребление нетипичных для северного диалекта в целом форм в устойчивых словосочетаниях и выражениях, пословицах (вообще дженгиль, но къолай-енгиль, вообще болмакъ, но Алла «джур къулым» десе, патча олмасы не шикяр?);
5)   произношение «ав», «ув» – так же, как в «сельском» кезлевском (сау бол);
6)   тяготение к заимствованым, «умным» словам (сиясет, эдебият и т.п.), более изящная по сравнению с «сельской» речь (например, файтонгъа мынмек вместо атарабагъа тырмашмакъ).

Помимо перечисленного, каждому из говоров присущ набор специфических идиом, образных выражений, поговорок.

Неси догъру, неси янълыш экен?

[Alessandro]

лексика ... олла ...

Шу "олла" дегени недир аджеба?

редкое употребление заимствованых, «умных» слов (джевап, суаль, субет, суррет и т.п.)   

Я "суаль" ве "джевап" ерине не дейлер?

отсутствует «сельское» смягчение «е»;

Бираз анълашылмагъан... Мисаллер бере билесинъизми?

PS
Я озюнъизнинъ тамырынъыз къайсы койден, сыр олмаса?

[RiverRat]

Шу "олла" дегени недир аджеба?

"Амма", "лякин" ерине къулланыла.

Я "суаль" ве "джевап" ерине не дейлер?

Лафны шай этип яраталар ки, бу сёзлерни асыл кереги де ёкъ ола. Меселя, "суалим бар" ерине "бир шей (быршкий) сораджакъ эдим", "сизге суаль бермеге мумкюнми?" ерине "сорасам боламы?", "базы суаллерге джевап бере билесинъизми?" ерине "биркъач сораджакъ шейим бар"  дейлер. Суаль бергенден сонъ беклеп туралар, джевап кельмесе я башкъа лафкъа кечелер, я да "Сонъ?", "Айтсанъыз!", "Сенден сорайман, олян!" деп айталар. 

отсутствует «сельское» смягчение «е»;

Бираз анълашылмагъан... Мисаллер бере билесинъизми?

Меселя, "темель", "дембель", "коптен" сёзлердеки къалын язылгъан "е"-нинъ  нормаль-догъру теляффузы "э"-ге якъынджа олса, эвельде кой ерде оны аселет эткен киби юмшакъ-юмшакъ этип айткъан эдилер. Шеэрде ойле шей ёкъ эди. Шимди исе ким насыл анасындан-бабасындан огренип къалгъан олса, шойле айта.

Я озюнъизнинъ тамырынъыз къайсы койден, сыр олмаса?

Кезлевлимен.

[Alessandro]

Меселя, "темель", "дембель", "коптен" сёзлердеки къалын язылгъан "е"-нинъ  нормаль-догъру теляффузы "э"-ге якъынджа олса, эвельде кой ерде оны аселет эткен киби юмшакъ-юмшакъ этип айткъан эдилер. Шеэрде ойле шей ёкъ эди. Шимди исе ким насыл анасындан-бабасындан огренип къалгъан олса, шойле айта.

Меракълы... Адетиндже шу киби йымшакъ айтылыш ялыбойлуларнынъ хусусиети оларакъ сайыла.

Мына, даа бир шей акълыма кельди... Озю Айдар Гъазы коюнде догъгъан Мемет Нузетнинъ Кезлев шивесинде язылгъан базы шиирлеринде "дюрлю" (тюрлю), "дюркю" (тюркю) сёзлерини корьдим.
Романиядаки къырымтатарлар темиз чёль шивесинде лаф эткенде "кечмек"ке "гещмек" дейлер.
Я сиз бойле шейлер бизим чёллюлеримизден эшиттинъизми?

[RiverRat]

Эбет. Меним раметли битам да, озю кезлевли олып, тюркю ерине "дюркю", ондан да гъайры базы сёзлерни "тюркче" айта эди. Манъа коре, о таббий шейдир, чюнки Кезлевин озюнде тиджарет ишлернен огърашкъан халкъ чокъ эди, олардан да чокъусы Тюркиеге мал ташып тургъанлар. Шу алыш-вериш эткен эрифлер эм татарджа, эм де тюркче сёйленмеге яхшы билип, бесе-белли, татарджа сёйленгенде тюрк сёзлерден къоша бергенлер, шай этип де адетке кирсеткенлердир.

[Alessandro]

Меракълы шу ки, эдебий тюрк тилинде türkü ве türlü...

[RiverRat]

Меракълы шу ки, эдебий тюрк тилинде türkü ве türlü...

Бакъса! Я лакъырды эткенде тюрклер шу сёзлерни айны язылгъан киби айталармы, аджеба? Бельки тюрк тильнинъ де бинъ тюрлю шивеси бар. Керчек, эдебий тюрк тили Истамбул тилинен бирми?

[Alessandro]

Bu saada yani türk şivelerinde iç mütehassıs degilim… Belkim de dürkü, dürlü degenler de bardır. Amma zemaneviy edebiy türk tiliniñ esası aynı İstanbul laqırdısı olğanını bilem. Demek İstanbullılar şu sözler t-nen aytalar…

[Refat]

Мени айретте къалдыргъан бир шей бар. Нечюн чёль шивесинде кимер сёзлер "дж"нен языла, кимериси исе "й"нен.
Анълагъаныма коре, я эписи "дж"нен, я эписи "й"нен язылмалы. Меселя къазах тилинде "ж" ерине "й" асыл язылмай. Ногъай тилинде исе "й" ерине "ж/дж" язылмай. Я къырымтатар тилининъ чёль шивесинде нечюндир эм "дж"нен, эм де "й"нен язылгъан сёзлер бар. Бунынъ себеби не ола биле.

[RiverRat]

Мени айретте къалдыргъан бир шей бар. Нечюн чёль шивесинде кимер сёзлер "дж"нен языла, кимериси исе "й"нен.

Шойле этип айтылгъаны ичюн. (Биринджи беянаткъа дикъкъат этинъиз.)

Меселя къазах тилинде "ж" ерине "й" асыл язылмай. Ногъай тилинде исе "й" ерине "ж/дж" язылмай.

Оларда "ж/дж" ерине "й" айтылмай бесе-белли.

Анълагъаныма коре, я эписи "дж"нен, я эписи "й"нен язылмалы.

Шиве десенъ шиве, a priori бир нормасы ёкъ иште. Нормасы олсайды аман айры бир тиль ола кетер эди!

[Refat]

Мени айретте къалдыргъан бир шей бар. Нечюн чёль шивесинде кимер сёзлер "дж"нен языла, кимериси исе "й"нен.

Шойле этип айтылгъаны ичюн. (Биринджи беянаткъа дикъкъат этинъиз.)

Дикъкъат эттим. Бу шейни анъладым ки, чёль шивесининъ чешит-тюрлю агъызларында "дж" ве "й" арифлери расткеле, кимерисинде "дж" сыкъча, кимерисинде исе "й" сыкъча.
Ондан башкъа нени анъламакъ керек эдим?

Меселя къазах тилинде "ж" ерине "й" асыл язылмай. Ногъай тилинде исе "й" ерине "ж/дж" язылмай.

Оларда "ж/дж" ерине "й" айтылмай бесе-белли.

Оларда? Ногъайлардамы шу? Мына динълесенъиз, ногъайджа бир йыр, мен не къадар динъледим де, "дж" арфини бир кере эшиткеним ёкъ: http://www.youtube.com/watch?v=8ZOR2yN3rjk

Бу йырда "юрек" киби сёзлер (ве даа бир къач хусусиет) олмаса эди, оны къазах тили беллер эдим.

Анълагъаныма коре, я эписи "дж"нен, я эписи "й"нен язылмалы.

Шиве десенъ шиве, a priori бир нормасы ёкъ иште. Нормасы олсайды аман айры бир тиль ола кетер эди!

Бельки бу сатырда суалиме джевапны корем... Яни чёль шивесине орта ёлакъ шивеси тесир эткен? Онынъчюн эм "дж", эм де "й" арифлери расткеле, ойлеми? Ёкъса бир шейни янълыш анълайым... Шимдики къырымтатар тилининъ ногъай шивеси бир заманда Къырымгъа айры бир тиль оларакъ кельген экен, дегильми?

[Alessandro]

Джемаат, сес ве ариф анъламларыны бир-биринден насылдыр айырмакъ керек. Биз арифлерни язамыз, сеслерни исе эшите ве теляффуз этемиз.
Нечюн буны язам... Рефатнынъ "Нечюн чёль шивесинде кимер сёзлер "дж"нен языла, кимериси исе "й"нен?" деген суалине "Шойле этип айтылгъаны ичюн." джевап берильди. Я анълагъаныма коре суаль айны айтылыш акъкъында эди... Яни нечюн чёллюлер базы сёзлер дж-нен, базылары исе й-нен айталар.
Мен де буны анълап оламайым.

[Refat]

Э, догъру, багъышланъыз. Фикримни ойле бир анълайышсыз анълаттым.
"Языла" ерине "айтыла" окъусанъыз...

[RiverRat]

Э, догъру, багъышланъыз. Фикримни ойле бир анълайышсыз анълаттым.
"Языла" ерине "айтыла" окъусанъыз...

Мына энди анълашылды! Refat, суалинъизге догъру джевапни тек Алла биле. Озь фикиримдже, биз бильген къырымтатар тильнинъ чёль шивеси азыр бир тиль оларакъ Къырымгъа кельгени ёкъ. Эсапкъа шуны алмакъ керек ки:
1. шиве ичинде тар шивелери бар,
2. шу тар шивелерни бир биринен теништирсенъ, базы сёзлернинъ тек телляфузы дегиль де («дж» я да «й» шеклиси меселя), манасы бирге фаркълы,
3. бирталай сёзлер тек тар шиведе къулланыла ве башкъаларгъа анълашылмай къала (джав, пиала, инчек, ише, бочкъа ве иляхре),
4. шимдики заманда пек сийрек къулланылгъан я да эвельден айтылып кельген аталар сёзлеринде ве эски лятифелерде сакъланип къалгъан сёзлерни чокъусы – башкъа сёзлернинъ синонимлери (ит-копек, къурт-къашкъыр, емек-ашамакъ, эшик-къапы ве иляхре),
5. чёль шивесинде сёйленген «къырым ногъайлары» корюнишинден пек тюрлю сою ола – онда да бир «нормасы» ёкъ.

Буны козь алдынъда тутып, санки дерсин эвельде биркъач чешит халкъ бир ерде топлашып озьара къарыша-къарыша, тильлерини де бир бирине келиштире-келиштире кельгенлер, кене бу маальгедже бир умумий тарзгъа келялмадылар. Керчек, тек чёльде дегиль де, бутюн Къырымымызда да тыпкъы шо хыяр.

[Refat]

Э, догъру, багъышланъыз. Фикримни ойле бир анълайышсыз анълаттым.
"Языла" ерине "айтыла" окъусанъыз...

Мына энди анълашылды! Refat, суалинъизге догъру джевапни тек Алла биле. Озь фикиримдже, биз бильген къырымтатар тильнинъ чёль шивеси азыр бир тиль оларакъ Къырымгъа кельгени ёкъ. Эсапкъа шуны алмакъ керек ки:
1. шиве ичинде тар шивелери бар,
2. шу тар шивелерни бир биринен теништирсенъ, базы сёзлернинъ тек телляфузы дегиль де («дж» я да «й» шеклиси меселя), манасы бирге фаркълы,
3. бирталай сёзлер тек тар шиведе къулланыла ве башкъаларгъа анълашылмай къала (джав, пиала, инчек, ише, бочкъа ве иляхре),
4. шимдики заманда пек сийрек къулланылгъан я да эвельден айтылып кельген аталар сёзлеринде ве эски лятифелерде сакъланип къалгъан сёзлерни чокъусы – башкъа сёзлернинъ синонимлери (ит-копек, къурт-къашкъыр, емек-ашамакъ, эшик-къапы ве иляхре),
5. чёль шивесинде сёйленген «къырым ногъайлары» корюнишинден пек тюрлю сою ола – онда да бир «нормасы» ёкъ.

Буны козь алдынъда тутып, санки дерсин эвельде биркъач чешит халкъ бир ерде топлашып озьара къарыша-къарыша, тильлерини де бир бирине келиштире-келиштире кельгенлер, кене бу маальгедже бир умумий тарзгъа келялмадылар. Керчек, тек чёльде дегиль де, бутюн Къырымымызда да тыпкъы шо хыяр.

Анълашылды. Э, буны тек Алла биле. Кене де бираз анълайышсыз айттым, гъалиба, чёль шивеси Къырымгъа шимдики шекилинде кельгени ёкъ, эльбетте. Чёль шивесининъ тамыры къайдан экен? Къырым тышындан, мен беллесем, лякин Къырым тышында "дж" ве "й" арифлери берабер къулланылгъан бир тиль ёкътыр, янъылмасам... Айды, бу анълашылмайджакъ бир меселедир, гъалиба.