Dünyanı teatr qurtarır

Cenap azretleri teatr aqqında o dünyağa kelgenden berli ne qadar medhiyeler oqulsa da, olar ep bir onıñ aqiqiy mücizesini açıp köstermege acizler. O ayrıca bir alem, onıñ öz qanunları, öz ükümdarları, öz qulları bar. Er sene martnıñ soñunda Halqara teatr kününde qırımlı teatr  artistleri de Qırımtatar akademik muzıkalı drama teatrine toplanıp, bir-birlerini ha­yırlaylar, vazifedar şahıslarnıñ bazıda samimiy, bazıda can sıqıcı selâmlav sözlerini diñleyler ve aqlı qazanılğan mukâfatlarnı alalar.

Yüksek mukâfatlarğa taqdim etilgenler arasında bizim  qırımtatar artistlerimiz de az degil.  Qırımtatar akademik muzıkalı drama teatriniñ artistlerinden  Çalbanov Qırımda nam qazanğan artist unvanına, Qırım Nazirler şurasınıñ Fahriy yarlığına  Fatma Asanova,  Ukraina Prezidentiniñ Qırımdaki daimiy vekiliniñ Teşekkürnamesine  Münir Ablayev, Lenure Mustafayeva, Qırım Medeniyet nazirliginiñ Fahriy yarlığına Ayşe Ablayeva, Ukraina muzıkalı teatriniñ artisti Zarema Mecitova ve digerleri taqdim etildiler.

Keçken sene Eşref Şemi-zadeniñ "Aslıhan" destanınıñ sanalaştırılması teatrimizniñ ömürinde parlaq bir vaqia oldı. Spektaklde baş rolni icra etken Ellina Mustafayeva "Birinci planlı eñ yahşı qadın rolü" nominatsiyasında  mukâfatnı, spektaklni sanalaştırğan rejissör Rinat Bektaşev "Eñ yahşı rejissör" nominatsiyasında mukâfatlarnı qazandılar.

Tantanalı tedbir belli telejurnalist Arzı Selimova cenkten evelki teatrimizniñ artistkası, meşur Nalbandovlar sülâlesiniñ istidatlı vekili doqsan yaşlı Saniye apte Nalbandova aq­qındaki levhanı  gürdeli elçırpmalarnen, levhanıñ sanağa köterilgen baş qaramanı "Teatr qartı" (Stareyşina teatra) nominatsiyasınıñ ğalibi Saniye apteni ise ayaq üstünde alğışlarnen qarşıladılar. Müteber artistkamıznı Sanağa ozğar­ğan "Maarifçi" birleşmesiniñ azası Beyi İlyasova teatr salonındaki bütün artistlerni Milliy Meclisniñ medeniyet ve maarif idaresi adından samimiy hayırlap,   dünyanı güzellik qurtarğanı er keske belli, lâkin bu işni ondan da ziyade teatr becergenini qayd etip, artistlerniñ ayaqları astına çeçekler qoydı.

İşte, mart 30 künü milliy teatrimizde Melpomena azretleriniñ sadıq qulları adına çoq güzel  sözler, şeñ külkü, yırlar ve şa­qalar  yañğıradı. Vivat, teatr, vivat!

Zera BEKİROVA


Yañı Dünya gazetasından alınğan: http://www.yanidunya.org/?p=1693

Comments

proof-reading.services

The theater and culture of this people is very rich and developed over many centuries. proof-reading.services A lot of artists write wonderful pictures.

if you don't understand the

if you don't understand the importance of essay writing and editing, http://essay-editor.net/blog/why-should-i-write-and-edit-my-essay will give you an answer!

How to make an excellent theory paper script service?

The topic selection is one of the important tasks in essay writing. Essay topic selection is not an easy task. Think about the more good topics, the information about the topic you need to make a note about these, this way to easily complete a task. You can also refer the best online services. There are lots of essay writing services over the internet. The best essay writing service is recognized by their reliability and high quality products. Academic essay is one of the best essays writing service. They know what perfection exactly means and have an absolute understanding of quality and customers.visit here: http://www.speedycustomessaywriting.org/

Powered by Drupal, an open source content management system